އިންޑިޔާގެ ސަފީރު ކާރުގެ ފަހަތު ބިއްލޫރި ތަޅާލި މައްސަލައިގައި މީހަކު ހައްޔަރު ކޮށްފި

ރާއްޖެއަށް އިންޑިޔާއިން ކަޑައަޅާފައި ހުންނަވާ ސަފީރު ރާޖިވް ޝަހަރޭގެ ކާރުގެ ފަހަތު ބިއްލޫރި ގަނޑު ތަޅާލި މައްސަލައިގައި މީހަކު ހައްޔަރު ކޮށްފައިވާ ކަމަށް ފުލުހުން ބުނެފިއެވެ

ފުލުހުން ބުނި ގޮތުގައި ކޯޓު އަމުރެއްގެ ދަށުން 22 އަހަރު ގެ އެމީހާ ހައްރުކޮށްފައި ވަނީ ރޭގެ ދަންވަރުގެ ވަގުތެއްގައި ކަމަށެވެ. އެހެން ނަމަވެސް އެމީހާ އާއި ބެހޭ އެއްވެސް މައުލޫމާތެއް ފުލުހުން ހާމަކޮށްފައެއް ނުވައެވެ

އިންޑިޔާގެ ހައި ކޮމިޝަނުގެ ކާރުގެ ބިއްލޫރި ގަނޑު ތަޅާލާފައިވަނީ ހޯމަ ދުވަހުގެ އިރު އޮތްސި 6:00 ހާއިރުގައެވެ

މިކަމާއި ގުޅިގެން ވަނީ ރައީސް އޮފީހުން ބަޔާނެއް ނެރެފައެވެ. މިބަޔާނުގައި މި އަމަލު ވަރަށް ހަރު ކަށި އިބާރާތުން ވަނީ ކުއްވެރި ކޮށްފައެވެ. އަދި މި އަމަލު ހިނގި ފަރާތްތަށް ހޯދައި އިންސާފުގެ ކުރިމައްޗަށް ގެވޭނެކަމުގެ ޔަގީންކަންދޭ ކަމަށެވެ

އިތުރަށް ވިދާޅުވުމަށް

ރާއްޖެ ޓީވީ ގައި ހުޅު ޖެހި މައްސަލައިގައި 7 މީހުން ހައްޔަރު ކޮށްފި

ރާއްޖެ ޓީވީގައި ހުޅު ޖެހި މައްސަލައިގައި  7 މީހުންވަނީ ހައްޔަރި ކޮށްފިއެވެ. ފުލުހުން ބުނިގޮތުގައި މިމައްސަލައިގައި ހައްޔަރު ކޮށްފައިވަނީ 22 އަހަރުގެ ދެމީހަކާއި 21 އަހަރުގެ މީހަކާއި 20 އަހަރުގެ މީހަކާއި 18 އަހަރުގެ  2 މީހެއްގެ އިތުރުން 17 އަހަރު ގެ ކުޑަކުޖެއް ކަމަށެވެ

ރާއްޖެ ޓީވީ އަންދާލި މައްސަލައިގައި ތުހުމަތު ކުރެވޭ އިތުރު ފަރާތްތަށް ހޯދަމުން އަންނަ ކަމަށް ފުލުސް އޮފީހުން ވަނީ ފުނެފައެވެ. އެހެން ކަމުން މި މައްސަލައާއި ގުޅޭގޮތުން އެއްވެސް މައުލޫމާތެއް ލިބިޖެ ނަމަ ވީހާވެސް އަވަހަކަށް  ފުލުހުންގެ ހޮޓްލައިން ނަމްބަރ 3322111  ނުވަތަ ސިރިއެސް އެންޑް އޯގަނައިޒްޑް ކްރިމިނަލް ޑިޕާޓްމެންޓުގެ ނަމްބާރ 9911099 ގުޅާ ހިއްސާ ކުރެއްވުމަށް ފުލުހުން އެދިފައިވެއެވެ

ރާއްޖެ ޓީވީ ގައި ހުޅު ޖެހުމުގެ ސަބަބުން ވަނީ އެއިމާރާތަށް ބޮޑެތި ގެއްލުންތަކެއްވެ  އެވަގުތު އެތާގައި ތިބި އިކްއިޕްމެންޓްސް ވަނީ ބޭނުން ނުކުރެވޭ ވަރަށް ހަލާކުވެފައެވެ

އިތުރަށް ވިދާޅުވުމަށް

އަމީން ފައިސަލްގެ މައްޗަށް ދައުވާކުރަން ފޮނުވައިފި

ކުރީގެ ރައީސް މުހައްމަދު ނަޝީދު ގެ ސަރުކާރުގައި ހޯމް މިނިސްޓަރ ކަން ކުރެއްވި  އަމީން ފައިސަލްގެ މައްޗައް ދައުވާކުރުމަށް  ޕްރޮސިކިއުޓާރ ޖެނެރަލްގެ އޮފީހަށް ފޮނުވައިފިއެވެ. މައުލޫމާތު ލިބިފައިވާގޮތުގައި ޕޮރޮސެކިއުޓާރ ޖެނަރަލް އޮފީހަށް ފޮނުވާފައިވަނި އަމީން ފައިސަލް މަގާމުގެ ނުފޫޒް ބޭނުންކޮށްގެން ނާޖާއިޒް ފައިދާ ހޯދައި ދިނުމުގެ މައްސަލައިގައެވެ

އެންޓިކޮރޮޕްޝަން ކޮމިޝަން -އިސީ ސީ - އިން ބުނެފައިވަނީ އަމީން ފައިސަލްގެ މައްޗަށް ދައުވާ ކުރަން ފޮނުވާފައިވަނީ މާލޭ ސިޓީގެ މެމްބަރު ސަރަގު އާދަމް މަނިކުގެ  ދަރިފރޅު އިބްރާހިމް އާދަމް މަނިކު މަސްތުވާތަކޭތީގެ މައްސަލައެއްގައި އުމުރަށް ޖަލަށް ލުމަށް ހުކުމް ކޮށްފައި ވަނިކޮށް ރާއްޖެ ގެނައި މައްސަލައިގައެވެ

އިބްރާހިމް އާދަމް މަނކު ރާއްޖެ ގެނައި  ޖަލު ހުކުމް ރާއްޖޭގައި ތަންފީޒު ކުރާނެ ކަމުގެ ޔަގީންކަން ސިރި ލަންކާގެ ޖަސްޓިސް އަށް ރާއްޖޭގެ ހޯމް މިނިސްޓްރީ އިން ދީގެން ކަމަށާއި ، އަދި ރާއްޖޭގެ ހޯމް މިނިސްޓްރީ އިން ޒިންމާނަގާނެ ކަމުގައި ޔަގީންކަން ދީ އެ ސިޓީ ލަންކާގެ ޖަސްޓިސް މިނިސްޓްރީހަށް ފޮނުވާފައި ވަނީ ވެސް އެކްޓިން ހޯމް މިނިސްޓާރގެ ހައިސީއަތުން އަމީން ފައިސަލް ކަމަށް އީސީސީ ގެ ނޫސް ބަޔާނުގައި ވެއެވެ

ރާއްޖޭގައި ގައުމުތަކުން ކުރާ ހުކުމް ތައް ތަންފީޒު ކުރުމުގެ އޮނިގަޑެއް ނެތި އިބްރާހިމް އާދަމް މަނިކުގެ މައްޗަށް ރާއްޖޭގައި ހުކުމް ކުރާނެ ކަމުގެ ޔަގީކަން އަމީން ފައިސަލް ދެއްވާފައިވާ އިރު ރާއްޖޭން ބޭރުގައި އެތައް ކުރީއްސުރެ ހުކުމް ތަފީޒް ކުރަމުންދާ މީހުން ތިއްބާ އިބްރާހިމް އާދަމް މަނިކުގެ މައްޗަށް ރާއްޖޭގައި ހުކުމް ކުރުމަށް ގެނެއުމުގެ މި އަމަލަކީ  މަގާމުގެ ނުފޫޒު ބޭނުން ކޮށްގެން ވަކި ފަރާތަކަށް ނާޖާއިޒު ފައިދާ ހޯދައި ދިނުމަށް ކޮށްފައިވާ އަމަލެއްކަމަށް ތަހުގީގަށް ފަހަނގަ ކުރެވިފައިވާ ކަމަށް އީސީސީ އިން ބުނެފައިވެއެވެ

 

އިތުރަށް ވިދާޅުވުމަށް

ގައުމީ ޓީމުގެ ޑޮކްޓަރ އެމޭޖެންސީކޮށް ލަންކާއަށް ފޮނުވާލައިފި

ގައުމީ ފުޓުބޯޅަ ޓީމުގެ ޑޮކްޓަރު އަދި އެފް އޭ އެމްގެ ސްޕޯޓްސް ފިޒީޝަން އަހުމަދު ޝަކީބު ކުއްލި ގޮތަކަށް ކުރިމަތިވި ސިއްހީ މައްސަލަތަކާއި ގުޅިގެން ރޭ ދަންވަރު ލަންކާއަށް ގެންގޮސްފިއެވެ. ގައުމީ ޓީމުގެ ޑޮކްޓަރ ޝަކީބު އަށް ދިމާވެފައިވަނީ ހިތުގެ މައްސަލަތަކެއް ކަމަށް ވަނި މައުލޫމާތު ލިބިފައެވެ

ރޭދަންވަރު މާލެއިން ފުރުވާލުމަށް ޝަކީބު ގެނައިއިރު ކުޅިވަރުގެ ދާއިރާގައި ހަރަކާތްތެރިވާ ވަރަށްގިން ކޯޗުންނާއި އެފް އޭ އެމްގެ  އިސްވެރިން އަދި ގައުމީ ކުޅުންތެރިންގެ އިތުރުން ވަރަށް ގިނަ މީހުން ތިއްބެވެ.

ގައުމީ ޓީމުތަކާއި ކުޅިވަރު ކުޅޭ ކުޅުންތެރިންނަށް ފަރުވާ ދިނުމުގައި ގިން ދުވަސްތަކެއް ޝަކީބް ވަނީ ހޭދަކޮށްފައެވެ. އަދި ސިއްހީ ރޮނގުގެ އިތުރު އެހެން ފަންނުތަކުގައިވެސް ފާހަނގަ ކުރެވޭ ހިދުމަތްތަކެއް ވަނީ ކުރައްވާފައެވެ. ހާއްސަ ގޮތެއްގައި ގައުމީ ފުޓްބޯޅަ ޓީމަށް ވަނީ ވަރަށް ބޮޑަށް ހިދުމަތް ކޮށްދެއްވާފައެވެ

އިތުރަށް ވިދާޅުވުމަށް

އަންނަ ހޮނިހިރުދުވަހު އިންތިޚާބު ބާއްވަން ތިން ކެންޑިޑޭޓުން އެއްބަސްވެއްޖެ

ނޮވެމްބަރު މަހުގެ 9 ގައި އަލުން އިންތިހާބު ބާއްވަން ނިންމާފައިވީނަމަވެސް ފުރަތަމަ ބުރުގެ ވޯޓުލުން އަންނަ ހޮނިހިރު ދުވަހަށް އަވަސްކޮށް، ދެވަނަ ބުރު ނޮވެމްބަރު 9 ގައި ބޭއްވުމަށް އިލެކްޝަންސް މަޝްވަރާކުރަން ތިން ކެންޑިޑޭޓުން މިރޭ އެއްބަސްވެ ވަޑައިގެންފިއެވެ.

މިހާރު އިލެކްޝަންސް ކޮމިޝަނުން ނިންމާފައިވަނީ އިންތިހާބުގެ ފުރަތަމަ ބުރު ނޮވެމްބަރު 9 ގައި އަދި ދެވަނަ ބުރު 16 ވަނަ ދުވަހު ބޭއްވުމަށެވެ. އެކޮމިޝަނުން ކުރިން ބުނެފައިވަނީ އެއީ އިންތިހާބު ބޭއްވޭނެ އެންމެ އަވަސް ތާރިހު ކަމަށެވެ. އަދި އެއީ އެންމެ ކުރުކޮށް އެންމެ ބޮޑަށް ފުރުސަތު ދީގެން އިންތިހާބު ބޭއްވޭނެ ކަމަށް ބެލެވޭ މުއްދަތު ކަމަށްވެސް އިލެކްޝަންސް އިން ބުނެފައިވެއެވެ.

އިތުރަށް ވިދާޅުވުމަށް

ރިޔާސީ އިންތިހާބު އަވަސް ކުރަން ނިންމީ ގައުމީ މަސްލަހަތަށް ބަލާފައި

ރިޔާސީ އިންތިޚާބުގައި ވާދަކުރައްވާ ތިން ކެންޑިޑޭޓުން ރޭ ބައްދަލުކުރައްވައި، އިންތިޚާބުގެ ފުރަތަމަ ބުރު އަންނަ ހޮނިހިރުދުވަހަށް އަވަސް ކުރުމަށް ނިންމެވި ނިންމެވުމަކީ ގައުމުގެ މަސްލަހަތާއި ހަމަޖެހުމަށް ނިންމެވި ނިންމުމެއް ކަމަށް ރައީސް މުހައްމަދު ވަހީދު މިއަދު ވިދާޅުވެއްޖެ އެވެ.

ރައީސް ނެރުއްވި ބަޔާނެއްގައި ވިދާޅުވީ އިންތިޚާބުގެ ފުރަތަމަ ބުރު އަންނަ ހޮނިހިރުދުވަހު އަދި ދެވަނަ ބުރެއް ބާއްވަން ޖެހިއްޖެ ނަމަ ނޮވެމްބަރު 9 ވަނަ ދުވަހު ބޭއްވުމަށް ތިން ކެންޑިޑޭޓުން ނިންމެވި ނިންމެވުމަށް ރައީސް ވަރަށް އުފަލާ އެކީ މަރުހަބާ ދަންނަވާ ކަމަށެވެ. ހުރިހާ ކެންޑިޑޭޓުންނަކީ އެބޭފުޅުންގެ އަމިއްލަ ސިޔާސީ އަމާޒުތަކަށްވުރެ ގައުމީ މަސްލަހަތު އިސްކުރައްވާ ބޭފުޅުންކަން އެކަމުން ރައްޔިތުންނަށް އިތުރަށް ޔަގީންވެގެން ހިނގައްޖެ ކަމަށް އެމަނިކުފާނު ވިދާޅުވި އެވެ.

"ރައްޔިތުންގެ އިތުބާރު އޮތް އިންތިޚާބެއް މިތާރީހުތަކުގައި ބޭއްވެވުމަށް އިލެކްޝަންސް ކޮމިޝަނުން ކުރެއްވެން ހުރި ހުރިހާ މަސައްކަތެއް ކުރައްވާނެ ކަމަށް އަޅުގަނޑު ޔަގީންކުރަމެވެ. އަދި މިފަދަ ކާމިޔާބު އިންތިޚާބެއް ބޭއްވިއްޖެ ނަމަ ދިވެހި ދައުލަތަށް ގާނޫނީ ހުސްކަމެއް ނާންނާނެ ކަން އަޅުގަނޑު މި ފުރުސަތުގައި ފާހަގަކުރަމެވެ،" ބަޔާނުގައިވެ އެވެ 

އިތުރަށް ވިދާޅުވުމަށް